AARAM HARAM HEA


Aaj eak muddat ke bad, ajeeb se bat ho gaye.
Ghar se nikla tha akela, SWAYAM se mulakat ho gaye.
Eak lambe aerse ke bad, milea thea hum log.
Yad nahi shayad, kuch sal pehlea, sapna ya sanyog.
Socha tha retire hone ke bad, kuch sakun mileaga.
Ne kam ki jeldi, ne samay ki pabandi, aaram rahega.
Nisandeh, aaram to hea, par man ko nahi viram hea.
Suna, padha, Nehru jee nea keha tha, Aaram Haram Hea.

Ab samagh aaya, ketna galat tha mea us samay.
Aaram Haram Hea, theek keha hea, Anmol hea samay.
Samay rehte, tala gaya kam, kabhi pura nahi hota.
Eak bar samay nikel jane ke bad, pachtava hi rehta.
SWAYAMne mugh se keha, samay ko yun hi ne gavana.
Bat soleh aane such the, pehlea socho, kehan hea jana ?
Mene keha, yunhi jera, Sair ke liyea nikla hun.
Lakin vastav mea aaj, sachmuch Sair ke liyea nikla hun.

Ab samagh aaya, kyon, jaruri hea KAM.
Vyasteta Jindgi mea, bharti hea nayea Aayam.
Bharni hea jindgi mea, yadi Unchi udan.
Chote - chote kam, bharpur pryas, safalta ki jan.
Dair aayea, durust aayea, khalipan pehchana hea.
Kami raheagi na jeevan mea, Kam jo kertea jana hea.
Suraj chipta aur nikelta, yad hamea dilata hea.
Apnea hissea ka kam kero, roj hame samghata hea.
---o----

PEHLA KADAM . CHANDRAYAN - 1

Baies Aktubar, san do hajar aath, din Budhhvar.
Bharat ne racha eitihas, aatur jane ko Chanda ke dwar.
Satik nishane par the, Chandrayan-1 ki pehli udan.
Karodon Bhartiyon ki aasha, liye uth chala, Chandrayan.
Hajaron Bhartiy vyagyanikon, engineeron ke housale ki pariksha.
Din - rat jag ker, sapna sanjoya, safal ho hamari shiksha.
Bharat -maa ka ashirvad liye, ravana hua, Chandrayan - eak.
Phunchate hi Prathvi ki KEKSHA mea, nach uthea Bhartiy aneak.

Abhi tak bheje gayea, Chandrayono mea, Desh aneak.
Sabse sasta sabit hua, Bhartiy Chandrayan - eak.
Yan dwara lea gayea PAY- LOAD mea Bharat kea kul panch.
Baki chha hean videshon kea, vishvasniyata, Bharat ki janch.
Hea ne garve ki baat, Vyagyanik badhai ke hakdar.
Kafi aage badh gayea hean hum, soch rahe Desh barambar.
Pechea mud ker nahi dekhna, aagea kadam badhayengea.
Chandrayan - do, manav - sahit, Chandrama per pahuchayengea.

Eitna hi nahi, jimmedari, Chandrayan ko jo sonpi hea.
Abhi tak bheajea gayea, sabhi abhiyano se nirali hea.
Pehli bar Chandrma ka, pura neksha tyar karega.
Barf, Pani kea alava, HELIYAM - 3 ki khoj karega.
Aur bhe hongea prayog bahut se, Vyagyanik - gyan ka vistar.
Do - varsh ke karya - kal mea, Chandra - parikrama, hajaro bar.
Pehli bar Chandra - sateh per, jab TIRANGA lehrayega.
Har Bharat - vasi ke dil mea, Vinamra, Garve, bhar jayega.
O

PRITHVI

Apni Prithvi, jo Sour - mandal ke Grahon mea se eak hea.
Manav - Sabhyata ka vikas hua hea yehan, mousam anek hea.
Eak lambi vikas - yatra , jo nirantar chalti rahi.
Givon mea apne ko dhane ki , privarti badhti rahi.
Hamare purvaj bhe thea Van - vasi, Ped, Pahad, Jangal mea thea ghar.
Bahu - bal par Budhi - bal pada bhari, anya janvaron ki tulna par.
Aag ke aavishkar ne bdli, jangal ki Dunia sari.
Aage nikal gaya Vikas - kram mea, Manav ka palda bhari.
Krishi ki shuruvat hui, Pahiye ke aavishkar ne de raftar.
Tab se ab tak nahi ruke hum, ja pahunche Chanda ke dwar.

Vikas aur eak dusre se aage nikelne ki hod ne, yeha pachunchaya.
Ab samay hea palat ker pechea dekhne ka, kya khoya, kya paya ?
Pad, Nadi, Pahad aur Jangal, jahan kabhi pale, badhea thea hum.
Pechea chut gayea hean, aaj Concret - jangalon se ghire hea hum.
Eitna hi nahi, Jal, Jamen, Hava ko eitna Pradushit ker diya hea.
Manav, - Sabhyata he nahi, sampurn Prandi - jagat ko khatra bana hea.
Aaj ki Dunia, jehrele hava mea, sans lene ko majbur hea.
Bahut se Prani,Pashu, Pakshi, valupt ho chuke, kuch nahi dur hea.
Socho, abhi samay thoda hea, Kaise, Kahan ho gaye bhul.
Bhul - sudhar ka aakhire mouka, Samadhan he sabka mul.

Prithvi hame bachane hogi, soch - samagh ker, kade prayas.
Ped lagaye jahan bhe sambhav, Hariyali ho aas - pas.
Plastic ka durupyog band ho, aabhi band hea bahut jaruri.
Pas - padous rakhea hum Saf, Safai - abhiyan hea sabse jaruri.
Rok lagani hi hogi ab, Vayu - pradushan, Dhavni - pradushan, kare upay.
Parivahen - vyvashtha, Kal - karkhano mea sudhar he bane upay.
Upayon se pehlea sayam jaruri, Paryavaran - bachav ho jimmedari.
Soch badalni hogi hamko, Prakriti - Prem bane bhagidari.
Sabhe Jev anmol dharohar, Vanaspati - Poudhea, punji hamari.
Tal - mel bethayen sabhe sung, SWARG bane yeh Dhara hamari.
---o---

KOSHISH

Koshish kerne valon ki, kabhi har nahi hoti hea.
Manjil jitni dur sahi, par pas hame dikhti hea.
Koshish kerna dharm hamara, chahe jo halat sahi.
Kadam badhayenge aage, jhukna hum ne sekha hi nahi.
Koshish bhe pure man se ho, jaise CHETI kare prayas.
Jeev bahut hi chota hea par, bhara labalub hea Vishvash.
Bar - bar girti,padti hea, chahe Rasta ho dushvar.
Sustane ka naam nahi hea, Koshish jari barumbar.
Niyati ko jhukna hi hoga, CHETE pahunche manjil dwar.
Hum Manav, seekhea CHETE se, jo hea Koshish ka avtar.

Eak bar yadi asphal ho gayea, to yeh Ant nahi hea.
Socho; kya kuch kami reh gaye, jo hum safal nahi hea.
Phir naye Koshish, naye shuruvat, Koshish pure man se.
Abki bar chuk ne hogi, purn prayas kere man se.
Kuch bhe nahi asambhav JUG mea, kuch bhe pa sakte hea.
Eashvar madad kare unki, jo swaim madad kerte hea.
Shart yahi hea Koshish man se, Lakshya par kendrit ho.
Koi kasar reh jaye ne baki, Karm, Lakshya, shamil ho.
Abki bar jeet nishchit hea, mehnat rang lati hea.
Koshish kerne valon ki, kabhi har nahi hoti hea.

Kabhi - kabhi hota hea aisa, Vanchit phal nahi paya.
Aas lagaye baithea jiski, veh parindam ne aaya.
Karan jo bhe hon eiske, eitna to nishit hea.
Mehnat vyarth nahi jati hea, PHAL milna nishchit hea.
Dair bhale ho jayea man lo, Andher nahi hona hea.
Himmat kabhi ne haro, uth jago, tabhi Savera hea.
Koshish kerni he hogi, yadi SAFAL tumenhe hona hea.
Bhagya bharose reh ker to, Jevan - Sapne, jeena hea.
Vastivkta hea yahi, Rat ke bad SUBHEH hoti hea.
Koshish kerne valon ki, kabhi HAR nahi hoti hea.
--- o ---

AATANKVAD

Aatankvad ne aaj hame jgakjghor diya hea.
Bam - dhamake, jageh -jageh, Jan - jeevan saham gaya hea.
Bekasur logon ki hatya, yeh kahan ka nyay hea ?
Palak jgapahete bughea Jindgi, matam aur chitkar hea.
Jashan manate Aatankvadi, manavta ka khuni kheal.
Koi jageh bhee nahi surakshit, kanoon- vyavashtha puri pheal.
Uttar de Sarkar, mangti Janata apna huq hea.
Manav jeevan nahi surakshit, aashvashan kab tak hea ?

Aatankvad ka dharm ne koi, ne koi jaati hea.
Dahshat - gardi, khoon - kharaba, Mout bantni aati hea.
Manavta kea doshi hean ye, kayar chip ker var karea.
Hasil kuch bhe, kabhi ne hoga, chahe jo prachar karea.
Kyon ye log napharat mea aandhea, nirdoshon ka khoon bhahate
Masum Bachhea, bebus einsan, Kal - gal mea gum ho jate.
Babus sarkar, bebus hum sab, Mout ka tandav jari hea.
Har - bar kahani dohrate, jane kab, kiski bari hea?

Bahut ho chuka nahi sahenge, ab to kuch kerna hoga.
Aatankvad gambheer chunouti, mil mukabala kerna hoga.
Jati - dharm ki bat nahi hea, chahe jo hon jimmevar.
Sabak sikhana hoga unko, jo hean eiske Sutradhar.
Saja, jail ke aalava, Samajik bahishkar jaruri.
Sahnubhuti jo rakhate hea, badlav soch mea unhe jaruri.
Mutthi - bhar noujavan, jo bhatak gayea hea, sahi Rah lana hea jaruri.
Sabse jaruri, Bhai - chara, Sukh - dukh bante, PYAR JARURI.

---O---

KATH KA SAMAJ

Manav ki vikas prikariya jari hea.
Chand par basne ki taiyari hea.
Prikriti ke kuch gudh rahesya, suljhaye hea.
Cujh jari,aur cujh suljhane ki bari hea.
Badalti jeevan - sheali ke kram mea.
Aage bade paydan par honge, eis bhram mea.
Nirentar koshise, sukh - suvidha badhea.
Peche mud ker dekhena na pade.
Par socha kya, koin chut gaya ?
Chale to sath thea, ne jane , yea kab ho gaya ?

Samaj ka bada hissa, peeche reh gaya hea.
Adhunikta ki aandhi daud mea, pichad gaya hea.
Sadiyo se soshit, tiraskrit, vanchit hea.
Kya yeh uski niyati, vanchit hea ?
Nahi, yeh samaj ka kalank hea, sharm hamari.
Hum sab hi jimmedar, sabhi ki bhagidari.
Sabhi ko sath chalenge lekar, sabhi baraber.
Sab ka sab par haq, hissedar baraber.
Sab ki khushhali mea hea, samaj bhalai.
Sarvangeend vikas sabhi ka hea sukhdai.

Aaj samaj ka vikas ho raha hea .
Ya patan? kehna mushkil hea.
Padosi, padosi ko nahi janta.
Bat hoti hea mobile par, nahi pahchanta.
Padosi - dharm to dur ki bat hea.
Maheno gujar jate hea, dekhe huea.
Lagta hea kal ke he bat hea.
jab hum mile thea Namaskar kiye huea.
Kath ka samaj nahi to kya kahu mea ?
Aur asha kerna bemani hea, aap ya mea.

Samaj mea savandanshelta kum ho rahi hea.
Matam hea yahan, pados mea parti chal rahi hea.
khoon se lath - path einsan, sadak par tadaph reha hea.
Sanse aatki hean, aas mea sayad koi aa reha hea.
Galti se kisi ne aspatal pahuncha bhe diya.
dundha, dekha, ne dakter, ne nurse, chaparsi dikhai diya.
Bola daktro ki hadtal hea, nurse andar hea.
Kuch der bad nurse aai, boli accident case hea.
Pulis ko bulao, ne doktar aaya, ne aaye laj.
Marij bechara tadaph ker mar gaya, vah,samaj.

Sabbandh kalankit ho rahe, kath ke samaj mea.
Dhan ka lalach, katl ki vajah, apno ki aad mea.
Kahen kalyugi bete ne, maa - bap ka katl kiya.
Kahen kalyugi beti ne, preme sang, sabko mar diya.
Kahen kalyugi bap ne, beti ka jeevan ujad diya.
Bhai - bhai ya bhai - bahan ka rista bhe tar - tar hua.
Kya ho gaya hea hame? stithi kyon yeh aai ?
Manav, danav ban gaya, kyon yeh noubat aai?
Yaksh - prashan, yeh aaj khada, sammukh, munh - bae.
Budhe - jeve he nahi, vichare sab, bin samay gavaie.

Aaj kya hum, eitne savadan - shunya, bhavna - shunyahea ?
Koi madad ke liye pukare, chillaye, hum anjan hea.
Kyon hum vastvikta ko andekha ker rahe hea ?
Gundoke hamale ke virodh ki himmat nahi juta rahe hea.
Anyay hote dekh ker bhe, kyon andekha kerte hea ?
Sadak par sare - aam, eijjat beaabru ho rahi hea.
Aur hum, jaise bepervah, gunge, behere bane hea.
Aakhir kab tak, kath ka samaj, hum bane hea ?
Kabhi ne kabhi to karni hogi, pahal kisi ko.
Kyon ne aaj mea hi, utar phenku, yea chola, yea kath ko.

Hamne dekha, suna, kabhi hum sansheel thea.
Aaj ne jane kyon , hum shayad bahak gayea thea.
Gair - dharm ka adar, kyon hum bhul gaye hean.
Aapne swarth mea, aapna dharm hi bhula bethea hean.
Nafrat nahi hea Hal, nafrat se badheagi duri.
Pyar kare Manav, manavse, nahi koi majburi.
Pahle bhe hamne hi DISHA dikhai Dunia ko.
Aaj hame hi kerna hoga, pesh udharan Dunia ko.
Hindu, Mushlim, Sikh, Esai, naya samaj banayenge.
Pyar bante, Sukh - Dukh mea, sab apna hath bantayenge.
---o---

JEEVAN

Jeevan, jeeney ki kala hea, jo sabhi ko nahi aati.
Aapna - Jeevan, aapna dhang hea, baki batey aati - jati.
Koi kehta Maya - jal hea, jisme , phanste jate hean.
Kisi ne kaha, hea Janjal, jis mea ulagh reh jate hea.
Kisi ke liye Jeevan duvidha hea, Rah samagh na aaye.
Nahi - nahi, Jeevan Jeevan hea, gire vahi, jo Dagmagaye.

Kabhi - kabhi, Jeevan jeena hi bogh eak ban jata.
Kya kerna hea, kya nahi kerna, kuch samagh nahi aata.
Aise pal mea aaksar hum, Dishaheen, Dheryaheen, ho jate.
Kinkrayatvyavimudh - dasha, mea, aaksar ghatak kadam uthate.
Jeevan hea Anmol uphar, vyarth ease na gavana.
Rakh Dharya, shant - chitt se, samagh, kadam uthana.

Sukh -Dukh, Jeevan ke do pehlu, kabhi Khushi, kabhi gam.
sada sukhi na raha hea koi, Jeevan mea na gam hardam.Jab bhi dukh ho, ghabrai na, kere mukabala hanshkar.
Jeevan muskayega phir se, jab dukh bhagega dar kar.
Sukh - Dukh ki aankh-michoni mea ho viksit Jeevan.
Aasha ka sanchar kare, ho pulkit tan - man, madhuban.

Jeevan eak ladai hea, Jeet, Aachai ya Burai ki .
Kabhi - kabhi aisa lagta hea, Har ho gai Aachhai ki.
Lakin kshanbhangur hi hoga, yadi hum sajag, sachet rahe.
Antim Vjay Satya ki hogi, chahe jo halat rahe.
Jeevan - Path mea Sach ka sang, Vijay avasya dilayega.
Aaj nahi to kal yeh hoga, Dharya rang hi layega.

Yeh na socho Jeevan mea Har hea, ya Jeet hea
Yeh jid todo, munh na modo, Jeevan ki Reet hea.
Jeevan ke gehre bandhan mea, aksar uski Har hue.
Jo samjha mea Jeet gaya, sari koshish bekar gaye.
Ye kaisa nyaya hea Bandhan ka, bura laga par achha hea.
Jeevan jene ki prarnda mea, yeh kaisi saral Pariksha hea.

Kabhi - kabhi, Jeevan mea, aisa kshand bhi aata hea.
Nirndya lena kathin to hea, par lena hi padta hea.
Dharya - Pariksha, Karm - Pariksha tabhi safal hum honge.
Swaim - vivek par kare Bharosa, kabhi na vichlit honge.
Roj - roj ki kathinaeo se dar kar bhagna, kayarta hea.
Kare mukabala dat kar ran mea, Jeevan ki sarthakta hea.

Jeevan ke har roop mea hum ko, har hal mea muskarana hea.
Chalne ka naam hi Jeevan hea, har hal mea Kadam badhana hea.
Jab - jab jo muskil aayengi, unka hal bhi khojengey.
Samadhan ho har Mushkil ka, aage badhate jayengey.
Jeevan to Jeevanhea, eiska har roop sweekar hame.
Jesa bhi jo samne aaye, Jeevan jeene se Pyar hame.
---o---