AATANKVAD KO CHUNOUTI


Aatankvad hea eak chunouti, utho ease sweekar karo.
Mil - jul, sab jan karea mukabala, dehshatgardi dur karo.
Shahr visheash par nahi yea hamlea, hamla Bharat - bhumi par.
Muhntod jabab denge aatank ko, kare mukabla hum dutker.
Kuch bhe nahi Desh se badh ker. bachha bachha jan gaya.
Aatankvad ka dharm ne koi, jan - jan hea pehchan gaya.
Eis bhulave mea rahe ne koi, hum sahan hi kertea jayengea.
Benakab, beabru ker, hereak ko mar bhagaengea.

Behut ho chuka, nahi sahengea, ab her seema par hui.
Nirdoshon ka khoon beh reha, Bharat - bhumi lal hui.
Einsaniat jinda hea hum mea, housla milker chalne ka.
Hum se behtar nahi aatanki, erada mar giranea ka.
Aatanki, yeh ne samghea, kuch ko mar dera dengea.
Byaj sameat vasuleange hum, nani yad dila dengea.
Shantipriy hea, galat arth, kayarta ne samagh lena.
Saksham hea hum, namo - nisha mita dengea, jan lena.

Samay aa gaya hea humko ab, ghar kea ghadea dur kerea.
Sabhi vichar dhara, majehub kea, sathi beth vichar kerea.
Kaise dur kerea Nafrat?, aatank ko jed se nashast kerea.
Kuch bhe nahi asambhav, yadi hum sab milker pryas kerea.
Jed se mita ker hi dum lengea, easa hum sankulp kerea.
Bhai - behan hea sabhi Surakshit, easa hum aahvahan kerea.
Jan jayea per aan ne jayea, Aanch nahi aanea dengea.
Aatankvad kea napak eradea, Safal nahi honea dengea.
___ O ___

NETA JEE KI DUVIDHA.


Chunavi mausam mea, neta jee ko chinta ho rahi bhari.
Kaise Janta ko apne auor karen, vipakshi pad rahe bhari.
Panch versh bad, eak bar phir, Janta ki yad aaye hea.
Eise liyea chinta kuch jyada, lakin majburi phir laye hea.
Jab tak Mantri thea, vatanukulit office aur kar.
Ab gali - gali mea Pad - yatra, jode hath, karen namaskar.
Dhul bhari thakan se pareashan, upar se, jeetne ka tanav.
Badha raha blad - prasser, par laga hea bhavishya par dav.

Janta ab samaghdar hea, ho gaye, sab janati hea.
Kisne kam kiya, kisne GHOTALA pehchanti hea.
Kise Dhokha diya aur kisne nahi, kam bolta hea.
Eise liyea Neta baglen jhankten hean, patrakar jab puchta hea.
Janta se kiyea gayea Vade, Neta jee ko yad nahi.
Lakin yeh Publik hea, janati hea, yeh bardast nahi.
Jab - jab Netaon ne, kiya Janta se vishvasghat.
Patak diya, Arsh se Pharsh par, Bailat - paper se aaghat.

Khudgargh Netaon, bahut dino tak nahi chaleaga, yeh khel.
Janta jagruk hea, dena hoga jabab ab, ya sab phel.
Tang aa chuki Janta, bhrastachari, aur nakara Netaon se.
Kab tak sahen ?aakhir sehne ki bhe HAD, punche, aap se.
Eise liyea ab Neta jee, chunav jeetne ki hea , yadi aas.
Dukh - dard samjho, Janta ke, yad karo, Vadon ka sarans.
Jeetna hea yadi chunav, to jeetna hogaJanta ka vishvas.
Seva - dharm nibhana hoga, yadi Janta ki seva ka hea pryas.
---

AARAM HARAM HEA


Aaj eak muddat ke bad, ajeeb se bat ho gaye.
Ghar se nikla tha akela, SWAYAM se mulakat ho gaye.
Eak lambe aerse ke bad, milea thea hum log.
Yad nahi shayad, kuch sal pehlea, sapna ya sanyog.
Socha tha retire hone ke bad, kuch sakun mileaga.
Ne kam ki jeldi, ne samay ki pabandi, aaram rahega.
Nisandeh, aaram to hea, par man ko nahi viram hea.
Suna, padha, Nehru jee nea keha tha, Aaram Haram Hea.

Ab samagh aaya, ketna galat tha mea us samay.
Aaram Haram Hea, theek keha hea, Anmol hea samay.
Samay rehte, tala gaya kam, kabhi pura nahi hota.
Eak bar samay nikel jane ke bad, pachtava hi rehta.
SWAYAMne mugh se keha, samay ko yun hi ne gavana.
Bat soleh aane such the, pehlea socho, kehan hea jana ?
Mene keha, yunhi jera, Sair ke liyea nikla hun.
Lakin vastav mea aaj, sachmuch Sair ke liyea nikla hun.

Ab samagh aaya, kyon, jaruri hea KAM.
Vyasteta Jindgi mea, bharti hea nayea Aayam.
Bharni hea jindgi mea, yadi Unchi udan.
Chote - chote kam, bharpur pryas, safalta ki jan.
Dair aayea, durust aayea, khalipan pehchana hea.
Kami raheagi na jeevan mea, Kam jo kertea jana hea.
Suraj chipta aur nikelta, yad hamea dilata hea.
Apnea hissea ka kam kero, roj hame samghata hea.
---o----

PEHLA KADAM . CHANDRAYAN - 1

Baies Aktubar, san do hajar aath, din Budhhvar.
Bharat ne racha eitihas, aatur jane ko Chanda ke dwar.
Satik nishane par the, Chandrayan-1 ki pehli udan.
Karodon Bhartiyon ki aasha, liye uth chala, Chandrayan.
Hajaron Bhartiy vyagyanikon, engineeron ke housale ki pariksha.
Din - rat jag ker, sapna sanjoya, safal ho hamari shiksha.
Bharat -maa ka ashirvad liye, ravana hua, Chandrayan - eak.
Phunchate hi Prathvi ki KEKSHA mea, nach uthea Bhartiy aneak.

Abhi tak bheje gayea, Chandrayono mea, Desh aneak.
Sabse sasta sabit hua, Bhartiy Chandrayan - eak.
Yan dwara lea gayea PAY- LOAD mea Bharat kea kul panch.
Baki chha hean videshon kea, vishvasniyata, Bharat ki janch.
Hea ne garve ki baat, Vyagyanik badhai ke hakdar.
Kafi aage badh gayea hean hum, soch rahe Desh barambar.
Pechea mud ker nahi dekhna, aagea kadam badhayengea.
Chandrayan - do, manav - sahit, Chandrama per pahuchayengea.

Eitna hi nahi, jimmedari, Chandrayan ko jo sonpi hea.
Abhi tak bheajea gayea, sabhi abhiyano se nirali hea.
Pehli bar Chandrma ka, pura neksha tyar karega.
Barf, Pani kea alava, HELIYAM - 3 ki khoj karega.
Aur bhe hongea prayog bahut se, Vyagyanik - gyan ka vistar.
Do - varsh ke karya - kal mea, Chandra - parikrama, hajaro bar.
Pehli bar Chandra - sateh per, jab TIRANGA lehrayega.
Har Bharat - vasi ke dil mea, Vinamra, Garve, bhar jayega.
O

PRITHVI

Apni Prithvi, jo Sour - mandal ke Grahon mea se eak hea.
Manav - Sabhyata ka vikas hua hea yehan, mousam anek hea.
Eak lambi vikas - yatra , jo nirantar chalti rahi.
Givon mea apne ko dhane ki , privarti badhti rahi.
Hamare purvaj bhe thea Van - vasi, Ped, Pahad, Jangal mea thea ghar.
Bahu - bal par Budhi - bal pada bhari, anya janvaron ki tulna par.
Aag ke aavishkar ne bdli, jangal ki Dunia sari.
Aage nikal gaya Vikas - kram mea, Manav ka palda bhari.
Krishi ki shuruvat hui, Pahiye ke aavishkar ne de raftar.
Tab se ab tak nahi ruke hum, ja pahunche Chanda ke dwar.

Vikas aur eak dusre se aage nikelne ki hod ne, yeha pachunchaya.
Ab samay hea palat ker pechea dekhne ka, kya khoya, kya paya ?
Pad, Nadi, Pahad aur Jangal, jahan kabhi pale, badhea thea hum.
Pechea chut gayea hean, aaj Concret - jangalon se ghire hea hum.
Eitna hi nahi, Jal, Jamen, Hava ko eitna Pradushit ker diya hea.
Manav, - Sabhyata he nahi, sampurn Prandi - jagat ko khatra bana hea.
Aaj ki Dunia, jehrele hava mea, sans lene ko majbur hea.
Bahut se Prani,Pashu, Pakshi, valupt ho chuke, kuch nahi dur hea.
Socho, abhi samay thoda hea, Kaise, Kahan ho gaye bhul.
Bhul - sudhar ka aakhire mouka, Samadhan he sabka mul.

Prithvi hame bachane hogi, soch - samagh ker, kade prayas.
Ped lagaye jahan bhe sambhav, Hariyali ho aas - pas.
Plastic ka durupyog band ho, aabhi band hea bahut jaruri.
Pas - padous rakhea hum Saf, Safai - abhiyan hea sabse jaruri.
Rok lagani hi hogi ab, Vayu - pradushan, Dhavni - pradushan, kare upay.
Parivahen - vyvashtha, Kal - karkhano mea sudhar he bane upay.
Upayon se pehlea sayam jaruri, Paryavaran - bachav ho jimmedari.
Soch badalni hogi hamko, Prakriti - Prem bane bhagidari.
Sabhe Jev anmol dharohar, Vanaspati - Poudhea, punji hamari.
Tal - mel bethayen sabhe sung, SWARG bane yeh Dhara hamari.
---o---